NewsMedia-მედია აქტივიზმი
მთავარი » Blog » “ნუ მიულოცავს პრეზიდენტად წოდებული ზურაბიშვილი უკრაინას, მისი სიტყვას არ აქვს წონა”
პოსტი

“ნუ მიულოცავს პრეზიდენტად წოდებული ზურაბიშვილი უკრაინას, მისი სიტყვას არ აქვს წონა”

დეკანოზი ილია ჭიღლაძე საქართველოს პრეზიდენტის განცხადებას გამოეხმაურა, რომელიც მან დღეს გამართულ პრესკონფერენციას გააკეთა. კერძოდ, სალომე ზურაბიშვილის თქმით, “უკრაინისთვის მილოცვა ადვილი იქნებოდა – არ ვულოცავ, რადგან საპატრიარქო ფრთხილობს”.

მამა ილიას მიერ ფეისბუქზე გამოქვეყნებულ პოსტს უცვლელად გთავაზობთ:

“უკრაინის ავტოკეფალია ესაა რუსული საეკლესიო და იდეოლოგიური იმპერიალიზმის დასამარების დასაწყისი. ეს ელემენტარული საკითხია. ვინც არ ულოცავს უკრაინელ ერს ამ გამარჯვებას, ის ან რუსულ იმპერიალიზმს ეტრფის და ემსახურება, ან შეშინებული კომფორმისტია. ორივე ცუდია, რადგან მამულიშვილობა და ქრისტიანობა ვერც შიშს გუობს და ვერც მონობას, მით უფრო მაშინ, როდესაც ჩვენი ქვეყნების და ეკლესიების თავისუფლებას და წარმატებას საერთო მტერი ჰყავს იმპერიული რუსეთის და მისი საპატრიარქოს სახით. დღეს საქართველოს ზედა ეშელონებში წამოსკუპებულებს უნდა ახსოვდეთ, რომ ისტორია ულმობელ მსჯავს დაადებს მათ და სერგო ორჯონიკიძეების და დიმიტრი აბაშიძეების გვერდით, სამარცხვინო ბოძზე მიუჩენს მათ სახელებს ადგილს.

რუსული იდეოლოგიური მანქანა ყოველნაირად ცდილობს შეაფერხოს უკრაინის მართლმადიდებელი ეკლესიის ცნობის და აღიარების პროცესი, მაგრამ მათი გავეშებული ბრძოლა დასაწყისშივე წაგებულია, მოსახდენი მოხდა: კონსტანტინოპოლის მსოფლიო საპატრიარქომ უკრაინას, ვითარცა დედა-ეკლესიმ შვილ-ეკლესიას, მიანიჭა ავტოკეფალიის ტომოსი კანონიკური პროცედურების სრული დაცვით.

დანარჩენი არჩევანის საკითხია: ან თავისუფლების მხარე, ან ბნელი იმპერიული მკვლელი რუსეთი. საინტერესოა, რა სინდისით უნდა ყოფილიყო მოსკოვის პატრიარქი კირილე უკრაინის პატრიარქი, როდესაც ის და მისი საპატრიარქო სრულ მხარდაჭერას უცხადებდა პუტინს უკრაინის წინააღმდეგ მიმართულ სამხედრო აგრესიაში? ამიტომაც ღმერთმა დაუშვა ის, რასაც მრავალი წელი ელოდა შეგნებული მართლმადიდებელი ერი უკრაინისა.

ნუ მიულოცავს პრეზიდენტად წოდებული (თუ დანიშნული) ზურაბიშვილი უკრაინას, მისი სიტყვას საქართველოში არ აქვს წონა და უკრაინაში ვის სჭირდება? ნურც ოცნების ხელისუფლების რომელიმე წევრი. დაე, უფრო ცხადი გახდეს, რომელ მხარეს დადგნენ ისინი და რომელ ძალას ემსახურებიან.” – წერს დეკანოზი ილია ჭიღლაძე.

პოპულარული სტატიები

გიორგი კეკელიძემ 17 იანვარს დიდ დიღომში მომხდარ ტრაგედიაზე განცხადება გაავრცელა

“აცრიდან ორი კვირის განმავლობაში ურჩხულის ნიშანი მელანდება ხოლმე”

თაკო
გადასვლა....