“ჩემ ძროხას პირუტყვი უნდა ერქვას და ამ გოგოს მჭერმეტყველი?” – ოქრუაშვილი ჩერგოლეიშვილს

თავდაცვის ყოფილი მინისტრი, ირაკლი ოქრუაშვილი, “ტაბულას” რედაქტორის, თამარ ჩერგოლეიშვილის ფოტოს აქვეყნებს და წერს:

ეს ქალბატონი, გიგა ბოკერიას ცოლი, სამი დღის წინ ტვ პირველზე ამტკიცებდა, რომ გირგვლიანის საქმეზე რაც მოხდა ერთი კაცის ხელში კონცენტრირებული ძალაუფლების ბრალი იყოო. იმ ერთ კაცში მიშას გულისხმობდა.

ღმერთო, ხანდახან რა უკუღმა მოაწყობ ხოლმე რაღაცეებს. ჩემ ძროხას პირუტყვი უნდა ერქვას და ამ გოგოს მჭერმეტყველი?

გეგონება მაგის ქმარი არ იყო გირგვლიანის საქმეზე ამბრაზურასავით ყველაზე მეტად გადაფარებული მერაბიშვილზე და ახალაიაზე. ლესელიძეზე რესტორანში “ვილკებს” რომ იყრიდა ჩემთან კამათით ვანო და დათა არაფერშუაში არიანო.” – წერს ოქრუაშვილი სოციალურ ქსელში.