NewsMedia-მედია აქტივიზმი
მთავარი » სამშენებლო მტვრის წარმოქმნის კონტროლი მკაცრდება
საზოგადოება

სამშენებლო მტვრის წარმოქმნის კონტროლი მკაცრდება

საქართველოს პარლამენტი თბილისის მერიის ავტორობით მომზადებული კანონპროექტის განხილვას იწყებს, რომელიც ამტვერებადი მასალით ჰაერის დაბინძურების კონტროლს ეხება. როგორც დედაქალაქის მერის მოადგილე მაია ბითაძე აცხადებს, კანონპროექტი რამდენიმე მნიშვნელოვან საკითხს არეგულირებს.

„ძალიან გვიხარია, რომ იწყება მერიის მიერ მომზადებული კანონპროექტის საპარლამენტო განხილვა, რომელიც ამტვერებადი მასალით ჰაერის დაბინძურების კონტროლს ეხება. გვინდა, მადლობა გადავუხადოთ საქართველოს პარლამენტის გარემოს დაცვის კომიტეტს მხარდაჭერისთვის, რადგან თბილისის მერის, კახი კალაძის ინიციატივა უკვე დაძრეს, როგორც საკანონმდებლო ცვლილება. კანონპროექტი ძალიან ბევრ მიმართულებას არეგულირებს, მათ შორის ამტვერებადი მასალის ტრანსპორტირების წესს, საშენი მასალის სველი მეთოდით დამუშავებას, მშენებლობებისას შენობის შეფუთვის ვალდებულებას და ა.შ“, – აღნიშნა მაია ბითაძემ.

მისივე თქმით, კანონმდებლობაში სრულიად ახალი მუხლები ჩნდება.

„ძალიან მნიშვნელოვანია, რომ პირველად საქართველოს სამართლებრივ სისტემაში, მშენებლები ვალდებულნი იქნებიან, მშენებლობის დროს შეფუთონ შენობები, რათა ამტვერება არ იყოს გამოწვეული მშენებარე ობიექტებიდან. ვფიქრობთ, ეს საკანონმდებლო ინიციატივა, რომელიც მერიის ავტორობით იქნა მომზადებული და პარლამენტის გარემოს დაცვის კომიტეტის მიერ მხარდაჭერილი, საგაზაფხულო სესიაზე უკვე მიღებული იქნება, რისთვისაც მადლობას ვუხდით პარლამენტს“, – განაცხადა მაია ბითაძემ.

პოპულარული სტატიები

“შემოდგომაზე უნდა წასულიყო… იმ დღეს მეუბნებოდა, ბანკის ვალებმა შემჭამესო”

მთავარი რედაქტორი

“ბოდიში შენთან, თუ ეს მართლა შენი სიტყვებია, ღრმა და ფუნდამენტური შეცდომაა”

მთავარი რედაქტორი

„იბერიის“ საინფორმაციო გამოშვებები ეთერში აღარ გავა

მთავარი რედაქტორი
გადასვლა....